look2you
you قبل دخولك المنتدى صلي على النبي
شكرآ لزيرتك منتدى look2you
عزيزي الزائر اذا كنت غير عضو في المنتدى
فسارع في تسجيل ودخول مسابقات المنتدى لكي تحصل على فرصة با ربح او جولة الى الاردن


look2you
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 قصة واقعية لبنات مدارس)..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
abdrazzaq
Admin
Admin
avatar

عدد المساهمات : 406
نقاط : 3495860
الاغني : 0
تاريخ التسجيل : 24/04/2008
العمر : 21

مُساهمةموضوع: قصة واقعية لبنات مدارس)..   الإثنين فبراير 07, 2011 12:41 pm

بصراحة مدري من وين أبدأ..من تعارفنا ..ولا من دجتنا كموقع مثير للانتباه والدجة..ولا من وين.. لكن قررت أني بدأ بالسنة اللي بدأت تتشكل فيها معالم (شلتنا) الموقرة..باختصاار لما نوصل للمهم..
وقبل.. بحط فصل تعريفي بالبنات..شلة الـ15 داااجة..
**************************************

• لمى:أو لموو.. أو أي شي..بنت عادية..حبوبة ..طيوبة.. دافورة الشلة.. مثقفة<<بالنسبة للشلة طبعا.. طويلة ..سمرا ..حليوة.. تلبس نظارات<<أساس الثقافة.. ووو..وقت الدجة..ماعليها كلاااام..

• شوق: أو شواقي<<ترى مو أدلع بس ع أساس إذا طلع اسمها كذا.. بنت عسل.. خفيف دمها..قصيمية هي ولمو<<أصل خفة الدم.. وتبعا لـ(قصمنجيتهم) يتمتعون بعايلات..ولا أروع.. كانت شاطرة بس خربت..بيضاء.. طويلة.. مميليحة.. خسمها منكسر <<خخخخخخخخخخ.. خوافة شوي بس دجة..

• نجلاء: أو نجولتي..بنووتة كيوووووت.. دجـــــة.. وما لها بالدراسة.. أكبر أنواع الدجة هي ولمو وشذوي.. بيضاء.. طولها مايل للقصر بالنسبة للشلة..رقااصة.. حلوة.. وعيونها تجنن.. وأهم شي..دجـــــــة..

• شيماء:أو شيمو..بنت خيالية.. طيــــبة وحبوبة.. دجة ولما تشوفها تحبها ع طوووول..أحلى شي لما تجي الصباح مابعد فتحت وتضحك لك.. سمراء..حلوة.. طويلة.. والبناات خاااقيين ع أخوها <<يالفضيحة استني..

• سارة:هذي البنت كوكتييل يجنن.. يوم ملتزمة ويوم مو لم الدين.. يوم ذكية ومثقفة ومدري أيش ويوم مسطلة.. رقااصة.. سمراء وقصيرة.. ملامحها حادة وحلوة..ودجــة إذا بغت..

• أماني:أو أموون.. بنت دجة ورهيبة وطييبة.. كانت دفرة بس رجعت وراا ورجعت كل الشلة خخخ.. حنطاوية.. طويلة وعيونها حلوة.. وفنتاستيك..

• لبنى:أو لبون.. بنت تضححححك.. خفيفة دم.. أصغر أخوانها.. وعشان كذا دايم مع بنات أخواتها.. رهييبة.. حنطاوية وقصيرة ونحيفة.. دجة خوافة..

• روان:أو روني.. بنت دلووووعة.. ومسوية لي اني مو دلوعة<<بالشلة سبة كلمة دلوعة.. صوتها حلو .. حلوة وبيضاء.. تضحك ضحكتها.. طولها حليل.. دجـــــــة وماعليها من أحد..

• مي:أو ميو.. بنت خطيرة.. مضافة لشلة القصمان اللي قبل شوي.. رهيبة.. خفيفة دم وراعية طنزة.. سمراء.. طويلة .. حلوة وكل شي.. خوافة ودجة..

• عهود:أوعهوده أو عهودي.. بنت أتمنى أقومها.. من جد.. مسطلة طول الوقت.. وباااردة.. وهديانة نسبيا.. بس ماعليها بخفة الدم والاستهبال.. رهيبة..بيضاء.. وطولها عادي..

• شذا: أو شذوي..خيااال هالبنت.. مو شاطرة بس تحل الواجبات.. طيوووبة.. راعية تلفيزيوووون.. يعني ممكن تسمع لك جدول الام بي سي والال بي سي اليوم..رهييبة.. بيضاء.. قصيرة وحليوة.. محبووبة.. أحسن من تلقاه وقت الدجة الصدقية..

• هلا:أو هلوات..أو هلو.. بنت من جد مضيــــــــــــــــعة.. تاكل موز عشان تنهبل.. رهييبة.. طول السبع واربعين ساعة ع النت.. خفيفة دم..بس وقت الجد جد.. حنطية.. طويلة.. حليوة..شعرها جديد<<توها قاصته.. دجــــــــــــــــة..

• ماجدة:أومجوودة أو مجوودي.. رهيبة.. تعطيك احساس براءة وهي اشطن خلق ربي.. راعية نحشات وحركااات.. سواقهم كوول<<مدري شدخله؟؟ سمرا شوي.. بيبي فيس.. حلوة وطويلة .. دجـــة ع شوية خوووف..

• أمل:أو أموولة.. بنت طيوووبة..دجة.. ضحكتها هواهوا هاوهااها<<لغز..ماهذا؟!! خخخخ.. طويلة وبيضاء و حليوة.. يبي لها تجربة بالدجة.. مواريها خوافة..

• ريم:أو ريومة أو أي شي.. طيووبة.. هاادية.. نظارتها دولتشي أند غابانا<<بناات.. حبوبة.. لما تجين للصدق دجة واستهبال ومع كذا هادية..بيضاء وقصيرة..
*****************************
ممكن يكون اسلوبي ممل بالبداية لأني بقول الخطوط العريضة لأني ماأذكر كل شي بالتفصيل.. وأصلا ما كانت الشلة دجة أبدا.. كانوا مجرد بنات عاديات..


*************************
.:×(ما قبل البدء)×:.
سارا ونجلاء وشيماء وماجدة كانوا صديقات.. لبنى وشذا وهلا كانوا صديقات بعد.. ريم وأمل مادري عنهم ولا روان..أماني كانت مع شلة ثانية بس تعرف البنات وبينهم صداقة.. عهود كانت مع شلة ثانية.. لمى وشوق ومي كانوا جديدات ع المدرسة.. وتبدأ الحكاية..

******************************
(أهو اللقاء؟!)

دخلت لمى المصلى.. اللي كان للبنات الجديدات ع القسم.. إزعاج رهيب.. جلست بهدوء جنب بنتين.. وكعادتها طقتها ميااانة.. بدت تسولف.. ولما بدوا يقسمون الفصول.. ماطلعت معاهم.. وجحدتهم بذكاء..<<حاليا تحمد ربها أنها مو فذاك الفصل..
رقت للفصل وقعدت بالكرسي الثاني جنب الشباك<<للمعلومية الفصل كان كبييير والشباك بعييد عن الكراسي بس يعني انها ذكية..
تجمعوا البنات وبدت المحاضرات تنعطى(أنا أحب وماأحب..حبك برص).. وجو نجلاء وشيماء عند لمى.. اللي كانت توها تتعرف على شذا ولبنى وأماني..
نجلاء- اهلين..
لمى- هلا..
نجلاء- شسمك؟؟
لمى- لمى<<لاحصة!!وأنت؟؟
نجلاء- نجلاء.. من أي مدرسة أنت جاية؟؟
شيماء- وأنا شيماء.
لمى-*********
نجلاء-أهااااااا.. حلوة؟؟!!
لمى- إيه ماعليها..
وماأذكر شلون<<يمكن لأنه من زمان هالسالفة.. بدينا نسولف عن إجازتنا وكل شي.. وشوي شوي بدوا يستلطفون لمى..اللي كانت بادية صداقة مع لبنى وشذا وأماني..

******************************
(وبدأ ائتلاف الأرواح!!)

لمى بحكم مكانها كان وراها بنت قرقـــه.. وعرفتها على شوق<<أحسن شي.. بحكم أنه شوق كانت قدام من الجهة الثانية من الفصل.. ودفررررررررة.. شوي شوي بدت الصداقة تلف خيوطها.. وفي يوم غابت مريم(القرقه) وما طلعت لمى فسحة الصلاة<<كان رمضان.. لسا لمى مو متأكدة من أن شوق تعدها صديقة.. وبكل هدوء جت شواقي - يلا لمى.. هنا تأكدت لمى أنه هي مو بس مع مريم.. بعد مع شوق.. وشوي شوي سحبوا على مريم وتركوها لحالها..
لمى بحكم علاقاتها مع معظم الفصل كانت تقعد مع البنات أحيانا.. مرة من المرات عزمتها سارة ع القعدة معاهم بالفسحة.. وجت هي وشوق بعد ماكانوا لحالهم.. وعزيمة ورى عزيمة صارت السالفة بدون عزايم.. كانت الشلة في البداية سارا نجلاء شيماء ماجدة لمى..
ماجدة بسررررعة استلطفت شوق.. بس كانت مو طايقة لمى.. مع كذا كانت الشلة حلوة وتجنن..
----------------------
هلا كانت بفصل (ج) بينما كانت الشلة تتشكل بـ(ب).. بعد فترة بدينا نسولف معاها عادي ونطقها ميانة.. وما أدري أو ما أذكر شلون انضمت هي ولبنى وشذا للشلة.. كانت الشلة حلووة.. وكنا محتلين الدكة<< للحين عليها.. وبعد فترة جت أمون عندنا وتكونت شلة كريزي قيرلز زي ما سميناها..
-------------------
أذكر كانت عندنا استاذة اسمها غزيل كانت فنتاستيك.. رهيييبة.. أتمنى لو أدري وينها الحين.. كنا نهبل فيها.. أذكر مرة كنا ناكل بحصتها شيبس<<وربي مشفح.. وجت وهي تتدربى ورفعت الدرج.. تععاااكلووون؟؟<<طبعا مافيه عينات بس صوتها كذا.. وقعدنا نضحك..اتوقع كانت تحبنا.. ولا ما مشت لنا استهبالنا عليها..

وعندنا استاذة اسمها اقسم بالله<<اسمها حنان بس نعايرها.. طول الوقت وهي تقول( أقســُـم بالله يا.......لو ما تعقلين) ونضحك عليها.. كانت توديني قداااااام.. واموون جنبها..مع اننا احنا اللي قدام عندها.. تلبس نظارات دائرة تبقق عيونها وتحط ميك اب فل.. العيون اخضر ببينك.. شي خيال..

ولا استاذة التاريخ.. كانت رهيبة بس ملسوووونة.. اذكر قالت مرة لسارة وهلا اتوقع وقفوا قاموا وقفوا فوق الطاولات وماقالت شي ع العكس قامت تضحك..

واستاذة ايمان حقت الدين.. من جد رحمتها.. اغلب الحصص تطلع نها تصيح.. وكنا نسولف بحصتها.. وعاااادي.. الله يسامحنا..

وبقول عن اسوء طالبتين بالفصل.. سااارا ونووور.. ثنتين دفففررررة.. شي خيال.. ونموذج حلو للدوافير.. مايساعدون احد<<مع ان التسذب خيبة نور تسااعد.. وطول الوقت "نا ستاذا ناستاذا ".. وطبعا كنا اذا بغينا نتديفر قلنا نستله نستله..وممكن وحدة تقول نيدو..أبوقوس..بوني عاادي..

كااانت ايام تجنن..بس مو دجة.. وجت هلا عندنا الفصل.. وصار الفصل خيااال.. وبقت ماجدة بس برى..
************************
(أللمشاهير نصيب منا؟؟!!)

بختم هالجزء بأغنيتنا.. اللي ألفتها نجلاء..وما اعتقد انه فيه احد زينا الف له اغااني..

إحنا إحنا إحنا ميين؟؟
إحنا شلة كريزي قيرلز..
مشاغبات وصايعات..
وإحنا إحنا عشر بنات..
نجلا وسارا وشيما شوق..
أماني وهلا.. لبنى ولمى..
ماجدا وشذا..
أحلى بناات..
نساعد المسكين..
ونرعب المار..
نهبل بالاستاذات..
ونطلع منهم نااار..
إلخ..

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.asfour2009.hphp10506.com
 
قصة واقعية لبنات مدارس)..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
look2you :: مجلةASFOUR.NET-
انتقل الى: